سکولاں توں ٻاہر 2کروڑ 62 لکھ ٻالاں کوں سکول گھن آوݨ سانڳے ہنگامی اقدامات دی لوڑھ اے ، صدر مملکت
APP24-240124
ISLAMABAD: January 24 - President Dr Arif Alvi addressing a ceremony to commemorate the International Day of Education. APP/MAF/TZD/FHA
اسلام آباد۔24جنوری (اے پی پی):صدر مملکت ڈاکٹر عارف علوی 2 کروڑ 62 لکھ ٻال سکولاں توں ٻاہر ہووݨ متعلق اڄوکی رپورٹ تے تشویش دا اظہار کریندے ہوئ??ں آکھیے جو انہاں ٻالاں کوں سکولاں اچ گھن آوݨ سانڳے ’’ تعلیمی ایمرجنسی‘‘ لاتے ہنگامی بنیاداں تے اقدامات چاوݨ، تعلیمی اداریں اچ ڈبل شفٹ ، ایکسلریٹڈ لرننگ پروگرام اتے مسیتاں کوں ٻال تے ٻالڑیاں دی تعلیم دا مرکز بݨاوݨ دی لوڑھ اے ،مسیتاں اچ تعلیم ݙیوݨ سانڳے نویں گریجویٹس اتے انٹرمیڈیٹ ٻال تے ٻالڑیاں دی خدمات ڳھدیاں ونڄن ، اعلی تعلیم دی شرح کوں ودھاوݨ سانڳے آن لائن تعلیم کوں ودھارا ݙتا ونڄے ، ڈاکٹرز ،انجنیئر تے ٻئے شعبیں اچ پیشہ وارانہ تربیت حاصل کرݨ آلیں کوں پاکستان دے اندر ہی ایجھی سہولتاں ݙتیاں ونڄن جو او ٻاہرلے ملک نہ ونڄن ۔ او ٻدھ کوں وزارت تعلیم و پیشہ وارانہ تربیت دے اہتمام نال تعلیم دے جڳ ݙیھاڑ دی مناسبت نال نیشنل لائبریری اسلام آباد اچ تقریب توں خطاب کریندے پئے ہن ۔ وفاقی سیکرٹری وزارت تعلیم و پیشہ وارانہ تربیت وسیم اجمل چوہدری ، سپیشل سیکرٹری محی الدین وانی ، پاکستان انسٹیوٹ آف ایجوکیشن دے ڈائریکٹر جنرل ڈاکٹر محمد شاہد سرویہ ، اسلام آباد چمبر آف کامرس اینڈ انڈسٹری دے صدر احسن بختاروری ، اللہ والا ٹرسٹ دے سربراہ شاہد انور سودھے وزارت تعلیم دے حکام ، یو ایس ایڈ ، یونیسف ، یونیسکو ، جائیکا توں انڄ شعبہ تعلیماچ کم ??رݨ آلے ترقیاتی شعبے دے نمائندیں دی وݙی تعداد تقریب اچ موجود ہئی ۔ صدر ڈاکٹر عارف علوی آکھیے پاکستان انسٹویٹ آف ایجوکیشن دی تعلیمی شماریاتی رپورٹ 22 ۔ 2021 اچ 2 کروڑ 62 لکھ ٻالاں دے سکولاں توں ٻاہر ہووݨ دا ݙسایا ڳئے ۔ اتنی وݙی تعداد اس??ں کیتے ھک چیلنج ا ،میٹرک دی سطح تے 44 فیصد ٻال سکول توں ٻاہر ہن ۔ ساݙے خطے دے ٻئے ملکاں اچ اسکولاں اچ ٻالاں دے داخلیں دی شرح 98 توں 100 فیصد اے ۔ انہاں آکھیے 2 کروڑ 62 لکھ ٻالاں کوں سکولاں دے اندر گھن آوݨ سانڳے مزید 50 ہزار سکولاں دی لوڑھ اے ،ساݙی صوبائی حکومتاں دا تعلیمی بجٹ 25 توں 28 فیصد اے ، تاں جو اتنی وݙی تعداد اچ سکول بݨاوݨ سانڳے سال درکار ہوسن ، لیکن ایں چیلنج نال نبݨݨ سانڳے اس??کوں نویں طریقیں بارے سوچݨا ہوسی۔
