تاپی گیس پائپ لائن منصوبہ توانائی دے شعبے اچ پاکستان اتے ترکمانستان وچال تزویراتی تعاون دا مظہر اے، اے پاکستان اتے خطے اچ معاشی ترقی اتے خوشحالی ڳھن امسی، وزیراعظم محمد شہبازشریف

APP39-260423 ISLAMABAD: April 26 - Prime Minister Muhammad Shehbaz Sharif chairs a meeting of the heads of coalition parties at PM House.APP/ABB

اسلام آباد۔8جون (اے پی پی) وزیراعظم محمد شہبازشریف آکھیا جو تاپی گیس پائپ لائن منصوبہ توانائی دے شعبے اچ پاکستان اتے ترکمانستان وچال تزویراتی تعاون دا مظہر اے، اے پاکستان اتے خطے اچ معاشی ترقی اتے خوشحالی ڳھن امسی۔ خمیس کوں وزیراعظم آفس دے میڈیاونگ توں جاری بیان موجب وزیر اعظم محمد شہباز شریف نال ترکمانستان دے اعلیٰ سطح دے وفد وزیر مملکت و ترکمن گیس دے چیئرمین مکسات بابائیف دی سربراہی اچ ملاقات کیتی۔ دور کرݨ آلے ترکمانستان دے وفد اچ توانائی دے نائب وزیر اناجیلدی سپاروف، چیف ایگزیکٹو آفیسر و چیئرمین بی او ڈی ، ٹی پی سی ایل محمدمیرات امانوف دے علاوہ پاکستان اچ ترکمانستان دے سفیر عطاجان مولاموف وی شامل ہن۔ وفد دا خیر مقدم کریندیں ہوئیں وزیراعظم آکھیا جو پاکستان اتے ترکمانستان وچال سانجھی تاریخ، ثقافت اتے مذہب تے مبنی برادرانہ تعلقات ہن۔ وزیراعظم آکھیا جو ݙوہیں ملکاں دی قیادت اقتصادی اتے تجارتی تعلقات کوں ٻیا ودھاوݨ دی خواہش رکھیندی اے۔ انہاں زور ݙتا جو پاکستان ترکمانستان دے توانائی دے بھرپور ذخائر تئیں فوری رسائی دا گیٹ وے ثابت تھی سڳدے۔ وزیر اعظم معاون خصوصی ڈاکٹر جہانزیب خان کوں پاکستان ولوں فوکل پرسن نامزد کیتا او سینئر کوآرڈینیشن کمیٹی دے سربراہ وی ہن۔ بعد اچ وزیراعظم تاپی گیس پائپ لائن مشترکہ عملدرآمد منصوبے (جے آئی پی) دے معاہدے تے دستخط دی تقریب اچ شریک تھیے۔ معاہدے وزیر مملکت برائے پیٹرولیم ڈاکٹر مصدق ملک اتے وزیر مملکت و ترکمن گیس دے چیئرمین مکسات بابائیف دستخط کیتے۔

مضمون کا ماخذ : لاٹری کا انعام کیسے حاصل کریں

متعلقہ مضامین