اسلام آباد۔4اگست (اے پی پی) وزیراعظم محمد شہباز شریف آکھیا جو پاکستان کشمیری عوام دی جائز حق خود ارادیت ڳھنݨ کیتے حمایت کریندا رہسی، تنازعے دے پر امن حل نال جنوبی ایشیا اچ پائیدار امن تے استحکام تھی سڳدے۔ اقوام متحدہ دے ایجنڈے اتے موجود جموں تے کشمیر دا پراݨا تنازعہ فوری اتے ذمہ واری نال احساس دے نال حل تھیوݨا چاہیدے۔ اڄ جمعے کوں پنڄ اگست کون منائے ڳئے یوم استحصال بارے آپݨے سنیھے اچ انہاں آکھیا جو بھارت ولوں پنج اگست 2019 کوں غیر قانونی زیر تسلط جموں تے کشمیر اچ غیر قانونی اتے ہک پاسہ اقدامات ، مسلسل غیر انسانی فوجی محاصرے اتے کشمیری عوام دے ناقابل بیان مصائب تے اے جئیں کوں ترائے سال تھی ڳئن۔ بی جے پی آر ایس ایس دے زیر اثر بھارتی حکومت چوتھے جنیوا کنونشن سودھے اقوام متحدہ دی سلامتی کونسل دی قرارداداں اتے بین الاقوامی قانون دی خلاف ورزی کریندی پئی اے اتے غیر قانونی مقبوضہ جموں تے کشمیر اچ آبادیاتی ڈھانچے کوں بدلݨ کیتے ’’ہندوتوا‘‘ایجنڈے کوں ݙھٹائی نال اڳوں ودھیندی پئی اے۔ وزیراعظم آکھیا جو بھارتی قابض فوج پنج اگست 2019 توں غیر قانونی زیر تسلط جموں تے کشمیر اچ ودھیکی فوج دی تعیناتی اتے میڈیا تے غیر معمولی پابندیاں لا تے غیر قانونی زیرتسلط جموں تے کشمیر کوں کرہ ارض دی ساریاں توں وݙی جیل اچ بدل ݙتے۔ پاکستان کشمیریاں دے جائز مقصد کیتے انہاں دی ہرممکن حمایت کیتی اے، ارکان پارلیمان، صحافیاں، انسانی حقوق دے کارکناں، بین الاقوامی حقوق دی تنظیماں اتے بین الاقوامی برادری دے ارکان مسلسل آواز چاتی اے۔ پاکستان کشمیری عوام دی جائز حق خود ارادیت ڳھنݨ کیتے حمایت کریندا رہسی، تنازعے دے پر امن حل نال جنوبی ایشیا اچ پائیدار امن تے استحکام تھی سڳدے۔ شہباز شریف آکھیا جو پاکستان آپݨے انہاں کشمیری بھراواں اتے ٻھیݨیں دی آواز ٻݨیا رہسی ۔ انہاں آکھیا جو پاکستان انہاں دے جائز حقوق دی ڳھنݨ تئیں حمایت کریندا رہسی۔ اساکوں ایں اچ کوئی شق کائنی جو جنوبی ایشیا اچ پائدار امن تے استحکام، اقوام متحدہ دی سلامتی کونسل دی قرارداداں اتے کشمیری عوام دی خواہشات دے مطابق جموں تے کشمیر دے تنازعے دے پر امن نال ای حاصل کیتا ونڄ سڳدے۔
.jpg)
