حکومت غریب اتے وچلے طبقہ کوں سوکھ ڈیونڑ دا فیصلہ کیتے،وفاقی وزیر خزانہ اسد عمر دی قومی اسمبلی اچ ضمنی مالیاتی (ترمیم) بل 2018ءپیش کرنڑ توں بعد پریس کانفرنس

APP39-18 ISLAMABAD: September 18 - Federal Minister for Finance, Revenue and Economic Affairs Asad Umar presenting the Finance Supplementary (Amendment) Bill 2018 in National Assembly. APP

اسلام آباد ۔ 18ستمبر (اے پی پی) وفاقی وزیر خزانہ اسد عمر آکھیے جو حکومت غریب اتے وچلے طبقہ کوں سوکھ ڈیونڑ دا فیصلہ کیتے،امیراں کوں اپنڑے سر دا بار چاونڑاں ہوسی،ٹیکس چورنہ بچسن، ملک کو ںمعاشی اوکھ توں کڈھنڑ کیتے پالیسی اصلاحات تھیسن،وزیراعظم‘ کابینہ دے ارکان‘ گورنرز‘ وزراءاعلیٰ دیاں تنخواہاں اتے مراعات تے ٹیکس چھوٹ ختم کیتی ویسی، 12 لکھ روپے تئیں سالانہ آمدنی ٹیکس توں مستثنیٰ ہوسی، ڈو لکھ روپے ماہانہ تئیں تنخواہ تے ریلیف وی برقرار رکھاویسی، ربیع فصل کیتے کساناں کوں کھادتے سبسڈی ڈتی ویسی، ایل پی جی تے ٹیکس گھٹ کیتے، پٹرولیم لیوی وی نہ ودھسی۔می اسمبلی اچ ضمنی مالیاتی (ترمیم) بل 2018ءپیش کرنڑ توں بعد پریس کانفرنس کریندے ہوئیں وفاقی وزیر خزانہ اسد عمردا آکھنڑ ہا جو حکومت غریب اتے وچلے طبقہ کوں سوکھ ڈیونڑ دا فیصلہ کیتے بھل ہر پاکستانی کیتے ٹیکس دی شرح پچھلے سال توں گھٹ ہوسی،جیہڑے قوم دی اگوانڑی کرنڑاں چاہندن انہاں کوں ٹیکس وی ڈیونڑان چاہیدے، ٹیکس نہ ڈیونڑ آلیاں کوں ہنر ٹیکس ڈیونڑاں پوسی،کوئی نواں ٹیکس لائے بغیر 92 ارب روپے وصول کیتے ویسن۔ انہاں آکھیا جو وڈا مسلہ برآمدی شعبے دا اے، برآمدات اتے درآمدات دے فرق پاروں خسارہ ودھدا پئے،جیکر اصلاحات نہ تھیاں تاں خسارہ بیا ودھ ویسی،زراعت اتے کسان دی ترقی وی بہون ضروری اے، ایل پی جی تے ٹیکس گھٹ کیتے جیندے نال غریب عوام کیتے ایندھن دا مل گھٹ ویسی جڈاں جو پٹرولیم لیوی وی نہ ودھائی ویسی، ملک کوں معاشی مشکلات توں کڈھنڑ کیتے پالیسی اصلاحات کریسون جیندے کیتے ماہرین تے مشتمل ٹیکس ریفارمز کمیشن جیہڑاں سفارشات ڈتیان ہن اوندے تے کم کیتا ویسی۔

مضمون کا ماخذ : bolão lotomania

متعلقہ مضامین